Quas potius decuit nostro te inferre sepulchro
Petronilla, tibi spargimus has lacrimas,
Spargimus has lacrimas, mœsti monumenta parentis,
Et tibi pro thalamo sternimus hunc tumulum.
Sperabam genitor tædas preferre jugales
Et titulo patris jungere nomen avi;
Heu! gener est Orcus; quique o dulcissima, per te
Se sperabat avum desinit esse pater.
Quœ mihi debebas supremæ munera vitæ
Infelix solvo nunc tibi nate prior.
Fortuna inconstans, lex et variabilis œvi,
Debueras cineri jam superesse meo.
Nate heu miserum, misero mihi nata parenti
Unicus ut fieres, unica nata dolor.
Nam tibi dum virum, tædas thalamumque parabam,
Funera et inferias, anxius ecce paro.