L’autrier quant chevauchoie
Tout droit d’Arras vers Douai,
Une pastore trouvoie
Ainz plus belle n’acointai,
Gentement la saluai :
Bele, Dex vous doint hui joie
Sire, Dex le mi octroie,
Tout honore sans nul delai,
Cortois estes tant dirai. »
Je descendis en l’herboie
Lez li seoïr m’en alai :
Si, li di, ne versemoi,
Bele, votre ami serai,
Ne jamais ne faudrai
Robe auroie de drap de soie,
Freman d’or, hures, corroies,
Cuevrechies, trecors ai
Sollers pains grans vous donrai.