(Orléans.)
Mentez, menteurs à quarterons,
Certes point ne vous redoubtons,
Ne vous, ne vostre baverye,
Loyaulté dit, de sens garnie.
Fy de vous et de voz raisons;
On ne vous prise deux boutons,
Et pour ce, nous vous deboutons.
Esloignant nostre compaignie.
Mentez, etc.
Voz parlez, pires que poisons.
Boutent par tout feu en maisons;
Que voulez vous que l'en vous die?
Dieu tout puissant si vous mauldie,
Vous donnant de maulx jours foisons.
Mentez, etc.