Ainsi doint Dieux à mon cueur, joye,
En ce que souhaidier vouldroye,
Et à mon penser; reconfort,
Comme voulentiers prisse accort
A soussy qui tant me guerroye.
Mais remede n'y trouveroye,
Et qui pis est, je n'oseroye
Descouvrir les maulx qu'ay à tort.
Ainsi doint, etc.
En ce que, etc.
Quant je lui dy: Dieu te convoye,
Laisse m'en paix, va t'en ta voye,
Par ton enchantement et sort;
Gueres mieulx ne vault vif que mort,
Je languis quelque part que soye.
Ainsi doint, etc.