Post tot repleta busta
Et funerum catervas
Ac dispares maritos
Rugosa quos peremit
Fatis anus sinistris,
Tu nunc, chirurge, quartus
Coniunx vocate plaudis.
Sed vivus es sepultus,
Dum parte qua decebat
Nil contines mariti.
Iam nosco cui videtur
Nupsisse Paula rursus.
Nulli! Quid ergo fecit?
Mutare mox lugubrem
Quam sumpserat cupivit
Uxor nefanda vestem
Ut quartus atque—quintus
Possit venire coniunx!