Insubres rexi presul rexique Ticinum,
Presul apud Gallos notus aquensis eram.
Sub me cum bellis Aquilam vexaret acerbis
Braccius infelix vincula dira subit.
5 Non hec me genuit, sed docta Bononia tellus
Franciscoque mihi nomen habere fuit.
Vixi, dum licuit, mundo peregrinus in isto;
Civis in etherea nunc peto sede locum.
Audi hec qui transis: ego non, si vertere retro
10 Fata queam, plus hoc vivere in orbe velim.
Mors hominem curis solvit redditque beatum,
Si pia precedens vita decensque fuit.