Christus lorica militum,
Christus creator omnium.
Christus, redemptor gentium,
Christus, amator uirginum,
Christus, fons sapientium,
Christus, fides credentium
Christus, salus uiuentium
Et uita morientium,
Coronauit exercitum
Nostrum cum turba martyrum.
Christus crucem ascenderat,
Christus mundum saluauerat,
Christus et nos redemerat,
Christus pro nobis passus est;
Christus infernum penetrat,
Christus caelum ascenderat,
Christus cum Deo sederat,
Vbi nunquam defuerat.
Gloria haec altissimo
Deo patri ingenito,
Honor ac summo filio,
Vnico, unigenito,
Spirituique optimo,
Sancto, perfecto, sedulo
Amen, fiat perpetua
In sempiterna saecula.