Personae:
M., R..
M.
Visne ire mecum?
R.
Quo properas?
M.
Ad lacum.
R.
Quid eo?
M.
Lotum pedes.
R.
I sane; nunc lotione mihi opus non est.
M.
Sed interim parum fabulabimur.
R.
Ne fabulari quidem nunc velim.
M.
Atqui utilis est confabulatio, duntaxat de honestis rebus.
R.
At mihi utilior est ad valetudinem exercitatio corporis.
M.
Quid si mansero tecum?
R.
Prudenter facies, et nos pila palmaria colludemus.
M.
Bene vertat Deus: maneo.
R.
Alias lotum una tecum ibo: cum scilicet longius erit temporis spatium.
M.
Ad ludum igitur nos accingamus.
R.
Nulla est in me mora.