Chose qui plaist est à demy vendue,
Quelque cherté qui coure par pais;
Jamais ne sont bons marchands esbahis,
Tousjours gaignent à l'allée, ou venue.
Car, quant les yeulx qui sont facteurs du cueur,
Voyent Plaisir à bon marchié en vente,
Qui les tendroit d'achater leur bon eur?
Et deussent ilz engaiger biens et rente,
Et à rachat toute leur revenue,
De lascheté seroient bien trays,
Et devroient d'Amours estre hays;
Marchandise doit estre maintenue.
Chose qui plaist, etc.